مهم:زيباترين اشعار تركي

[Davod]

دوستاني كه مايل به گذاشتن اشعار تركي باشند بيايند اينجا:

اوليشو خودم از شهريار شروع مي كنم....
﴿ بند ا ﴾

حیدر بابا ایلدیریملار شاخاندا

سئللر ,سولار ,شاقیلدییوب ,آخاندا

قیزلار اونا صف باغلییوب باخاندا



سلام اولسون شوکتوزه ,ائلوزه!

منیم ده بیر آدیم گلسین دیلوزه!


﴿ بند 2 ﴾
حیدر بابا ,کهلیک لرون اوچاندا

کول دیبیننن دوشان قالخیب ,قاچاندا

باغچالارون چیچکله نیپ ,آچاندا


آچیلمیان اورکلری شاد ائله!


﴿ بند 3﴾
بایرام یئلی چارداقلاری ییخاندا

نوروز گولی, قارچیچه گی چیخاندا

آغ بولوتلار کوینکلرنین سیخاندا

بیزدن ده بیر آد ائله ین ساغ اولسون

درد لر یمیز قوی دیکلسین, داغ اولسون



﴿ بند 4 ﴾
حیدر بابا گون دالیوی داغلاسین !

اوزون گولسون بولاقلارین آغلاسین !

اوشاقلارین بیر دسته گول باغلاسین!

یئل گلنده , وئر گتیر سین بو یانا

بلکه منیم یاتمیش بختیم اویانا



﴿ بند 5 ﴾
حیدر بابا ,سنین اوزون آغ اولسون

دورت بیر یانین بولاق اولسون باغ اولسون

بیزدن سورا سنین باشین ساغ اولسون

دونیا قضو - قدر اولوم ایتیمدی

دونیا بویی اوغولسوز دی , یئتیمدی



﴿ بند 6 ﴾
حیدر بابا یولوم سنن کج اولدی

عومریم گئچدی ,گلنمه دیم گئج اولدی

هیچ بیلمه دیم گوزللرون نئج اولدی

بیلمزیدیم دونگله وار , دونوم وار

ایتگین لیک وار ,ایریلیق وار , اولوم وار


﴿ بند 7﴾
حیدر بابا ایگیت امک ایتیر مز

عومور گئچر ,افسوس بره بیتیرمز

نامرد اولان عومری باش ا یئتیرمز

بیزده ,والله اونوتماریق سیزلری

گورنمه سک حلال ائدون بیزلر


﴿بند 8 ﴾

حیدر بابا " میر اژدر " سسله ننده

کنه ایچینه سسدن , گویدن دوشنده

"عاشیق رستم" سازین ,دیللندیرنده

یادوندادی نه هووله سک قاچاردیم ؟

قوشلار تکین قاناد چالیپ اوچاردیم؟



﴿ بند 9﴾
"شنگیل آوا " یوردی "عاشیق آلماسی "

گاهدان گئدیب , اوردا قوناق قالماسی

داش اتماسی ,آلما – هئیوا سالماسی

قالیب شیرین یوخی کیمی یادیمدا

اثر قویوب رو حوم دا , هر زاد


﴿ بند 10﴾
حیدر بابا " قوری گولون" قازلاری

گدیک لرین سازاق چا لان سازلاری

کت – کوشنین پاییز لاری , یازلاری

بیر سینما پرده سی دور گوزومده

تک اوتوروب سئیر ائده رم اوزومده

golgolgolgolgolgol
golgolgolgol

[sanam]

( بند 11 )

حیدر بابا قره چمن جاداسی
چووشلارین گلر،سسی،صداسی
کربلیا گئدنلرین قاداسی
دوشسون بو آج یولسوزلارین گؤزونه
تمدنین اویدوخ یالان سؤزونه


( بند 12 )

حیدر بابا شیطان بیزی آزدیریب
محبتی اورکلردن قازدیریب
قره گونون سرنوشتین یازدیریب
سالوب خلقی بیر بیرینون جانینا
باریشیغی بلشدیروب قانینا


(بند 13 )

گوزیاشینا باخان اولسا قان آخماز
انسان اولان خنجر بئلینه تاخماز
اما حیف کور توتدوغون بوراخماز
بهشتیمیز جهنم اولماقدادور
ذیحجه میز محرم اولماقدادور


( بند 14 )

خزان یئلی یارپاخلاری توکنده
بولوت داغدان ینوب کنده چؤکنده
شیخ الاسلام گوزل سسین چکنده
نیسگیللی سوز اورکلره دیردی
آغاشلاردا آلاها باش ایردی

( بند 15 )

داشلی بولاخ داش قومونان دولماسین
باخچالاری سارالماسین سولماسین
اوردان گئچن آتلی سوسوز اولماسین
دینه بولاخ خیرون اولسون آخارسان
افقلره خمار خمار باخارسان


( بند 16 )

حیدر بابا داغین داشین سره سی
کهلیک اوخور دالیسیندا فره سی
قوزواترین آغی ، بوزی ، قره سی
بیر گئدیدیم داغ دره لر اوزونی
اوخوییدیم چوبان قیتر قوزونی


( بند 17 )

حیدر بابا سولی یئرین دوزونده
بولاخ قینر چای چمنین گوزونده
بولاخ اوتی اوزر سویون اوزونده
گوزل قوشلار اوردان گلوب کئچللر
خلوتلیوب بواتخدان سو ایچللر


( بند 18 )

بیچین اوستی سنبل بیچین اوراخلار
ایله بیل کی دارار داراخلار
شکارچیلار بیلدیرچینی سوراخلار
بیچین چیلر ، آیرانلارین ایچللر
بیر هوشلانیپ سوندان دوروب بیچللر

( بند 19 )

حیدر بابا کندین گونی باتاندا
اوشاقلارون شامین ییوب یاتاندا
آی بولوتدان چیخوب قاش گوز آتاندا
بیزدنده بیر سن اولارا قصه ده
قصه میزده چوخلی غم و غصه ده


( بند 20 )

قاری ننه گئجه ناغیل دینده
کولک قالخوب قاپ باجانب دؤینده
قورد گئچینین شنگولوسون یینده
من قاییدوب بیرده اوشاق اولیدیم
بیر گول آچوب اوندان سورا سولیدیم

[nazdel]

نوروز بایرامی



نوروز بایرامییدی اوشاقلار مکتبه تزه گئدیب گلیردیلر




منیم یاماقلی کؤینگیمه باخیب باخیب گولوردولر




آغلایا آغلایا قاییتدیم ائوه آنام قوجاقلادی اؤپدو اوزومدن




اوشاق عزیز گونده سینماسین دئیه آنام


جئهیزلیگی یورقان اوزوندن منه اوز کؤینگی تیکدی هدیه...





من ده ایکیدفعه اوزوندن اؤپدوم....




ای مئهریبان آنا ای عزیز آنا حاییف کی اوگوندن حسرتم سنه....


شاعیرین آدی:صمد وورغون

[مهناز]

کوچلر سو سپيشم
يار گلند توز اولماسن
اِل گلسين ٬ اِل گتسين
آراميزدا سوز اولماسن
سماورم اوت سالمشام
ايستکان قت سالمشام
يارم گدیپ ٬ ته غالمشام
نه عزيزدی يارم ٬ جانم
نه شيرين دی ٬ يارم ٬ جانم

[مهناز]

خان ننه، هایاندا قالدین
بئله باشیوا دولانیم
نئجه من سنی ایتیردیم!
دا سنین تایین تاپیلماز
سن أولن گون، عمه گلدی
منی گتدی آیری کنده
من اوشاق، نه انلیایدیم ؟
باشیمی قاتیب اوشاقلار
نئچه گون من اوردا قالدیم.
قاییدیب گلنده، باخدیم
یئریوی ییغیشدیریبلار
نه أوزون و نه یئرون وار
«هانی خان ننه‌م؟» سوروشدوم
دئدیلر که: خان ننه نی
آپاریبلا کربلایه
که شفاسین اوردان آلسین
سفری اوزون سفردی
بیر ایکی ایل چکر گلینجه
نئجه آغلارام، یانیخلی
نئچه گون ائله چیغیردیم
که سسیم، سینم توتولدی
او، من اولماسام یانییندا
اوزی هئچ یئره گئدنمز
بو سفر نولوبدی من سیز
أوزی، تک قویوب گئدیبدی ؟
هامیدان آجیخ ائدرکن
هامیا آجیخلی باخدیم
سورا باشلادیم که: من ده
گئدیرم اونون دالینجا
دئدیلر: سنین کی تئزدیر
امامین مزاری اوسته
اوشاغی آپارماق اولماز
سن اوخی، قرآنی تئز چیخ
سن اونی چیخینجا بلکه
گله خان ننه سفردن
تله سیک، راوانلاماقدا
اوخویوب قرآنی چیخدیم
که یازیم سنه: گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزی دولاردی
سنده کی‌گلیب چیخمادین
نئچه ایل بو انتظار لا
گونی، هفته نی‌سایاردیم
تا یاواش یاواش گوز آچدیم
آنلادیم که، سن اولوبسن!
بیله بیلمییه هنوزدا
اوره گیمده بیر ایتیه وار
گؤزوم آختارار همیشه
نه یاماندی بو ایتیکلر
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
کی داها گئده نمییه یدین
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
ائله ایستیلی او ایسته
داها کیمسه ده اولورمو ؟
اوره گیم دئییر کی : یوخ – یوخ
او ده رین صفالی ایسته
منیم او عزیزلیغیم ته
سنیله گئدیب ، توکندی
خان ننه اؤزون دئییردین
کی : بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایله ن اوشاخلیق عهدین...
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورسا
داها من اؤز الله هیمدان
باشقا بیر شئی ایسته مزدیم
غزل سرای معاصر:شهریار

[Davod]

خان ننه، هایاندا قالدین
بئله باشیوا دولانیم
نئجه من سنی ایتیردیم!
دا سنین تایین تاپیلماز
سن أولن گون، عمه گلدی
منی گتدی آیری کنده
من اوشاق، نه انلیایدیم ؟
باشیمی قاتیب اوشاقلار
نئچه گون من اوردا قالدیم.
قاییدیب گلنده، باخدیم
یئریوی ییغیشدیریبلار
نه أوزون و نه یئرون وار
«هانی خان ننه‌م؟» سوروشدوم
دئدیلر که: خان ننه نی
آپاریبلا کربلایه
که شفاسین اوردان آلسین
سفری اوزون سفردی
بیر ایکی ایل چکر گلینجه
نئجه آغلارام، یانیخلی
نئچه گون ائله چیغیردیم
که سسیم، سینم توتولدی
او، من اولماسام یانییندا
اوزی هئچ یئره گئدنمز
بو سفر نولوبدی من سیز
أوزی، تک قویوب گئدیبدی ؟
هامیدان آجیخ ائدرکن
هامیا آجیخلی باخدیم
سورا باشلادیم که: من ده
گئدیرم اونون دالینجا
دئدیلر: سنین کی تئزدیر
امامین مزاری اوسته
اوشاغی آپارماق اولماز
سن اوخی، قرآنی تئز چیخ
سن اونی چیخینجا بلکه
گله خان ننه سفردن
تله سیک، راوانلاماقدا
اوخویوب قرآنی چیخدیم
که یازیم سنه: گل ایندی
داها چیخمیشام قرآنی
منه سوقت آل گلنده
آما هر کاغاذ یازاندا
آقامین گؤزی دولاردی
سنده کی‌گلیب چیخمادین
نئچه ایل بو انتظار لا
گونی، هفته نی‌سایاردیم
تا یاواش یاواش گوز آچدیم
آنلادیم که، سن اولوبسن!
بیله بیلمییه هنوزدا
اوره گیمده بیر ایتیه وار
گؤزوم آختارار همیشه
نه یاماندی بو ایتیکلر
خان ننه جانیم ، نولیدی
سنی بیرده من تاپایدیم
او آیاقلار اوسته ، بیرده
دؤشه نیب بیر آغلایایدیم
کی داها گئده نمییه یدین
گئجه لر یاتاندا ، سن ده
منی قوینونا آلاردین
نئجه باغریوا باساردین
قولون اوسته گاه سالاردین
آجی دونیانی آتارکن
ایکیمیز شیرین یاتاردیق
یوخودا ( لولی ) آتارکن
سنی من بلشدیره ردیم
گئجه لی ، سو قیزدیراردین
اؤزووی تمیزلیه ردین
گئنه ده منی اؤپه ردین
هئچ منه آجیقلامازدین
ساواشان منه کیم اولسون
سن منه هاوار دوراردین
ائله ایستیلی او ایسته
داها کیمسه ده اولورمو ؟
اوره گیم دئییر کی : یوخ – یوخ
او ده رین صفالی ایسته
منیم او عزیزلیغیم ته
سنیله گئدیب ، توکندی
خان ننه اؤزون دئییردین
کی : بهشت ده ، الله
وئره جه ک نه ایستیور سن
بو سؤزون یادیندا قالسین
منه قولینی وئریبسه ن
ائله بیر گونوم اولورسا
بیلیرسن نه ایستیه رم من ؟
سؤزیمه درست قولاق وئر :
سن ایله ن اوشاخلیق عهدین...
خان ننه آمان ، نولیدی
بیر اوشاخلیغی تاپایدیم
بیرده من سنه چاتایدیم
سنیلن قوجاقلاشایدیم
سنیلن بیر آغلاشایدیم
یئنیدن اوشاق اولورکن
قوجاغیندا بیر یاتایدیم
ائله بیر بهشت اولورسا
داها من اؤز الله هیمدان
باشقا بیر شئی ایسته مزدیم
غزل سرای معاصر:شهریار

golgolgolgolgol

دستتون درد نكنه بخصوص دوستان آذري ولي خودمونيم براي احياي اشعار تركي يه دستت درد

نكنه يادتون رفت بگيد..

[3aeed]

davod12 - sanam -مهناز - nazdel ، یاشا یاشا .... چوخ گوزه ل دیر gol

[Roya]

/غریبم یوخدو آرخام

قانادیم یوخدو قالخام

دورام داغلار باشیندا

وطنه ساری باخام
...........................


سئوگیلیم،عشق اولماسا،وارلیق بوتون افسانه دیر

عشقیــده ن محــروم اولان،انسـانلیغــا بیگــانه دیر

سئـوگی دیـر،یالنیــز محببتــدیر حیــاتین جـوهــری

بیر کونـول کی عشق ذوقین دویماسا،غمخــانه دیر]

...............................
گولو دردیم تاباغا

صبر ائله دیم ساباحا

یاریما قوناق گئتدیم

دوروب چیخدی قاباغاgolgolgol
golgolgol

[Davod]

آي بوتون حوسنوده ليلايه چکن ايلهاميم

مني مجنون کيمي صحرايه چکن ايلهاميم



آي منيم گؤزلريمين ذاتينا معنا يارادان

روحومو شور تماشايه چکن ايلهاميم



آي قيزاردان اؤپوشونده ن، گولوشونده ن دوداقين

باخيشيندان گؤزونه سايه چکن ايلهاميم



آي سنين دؤشلرين اوستونده چليپا زولفون

مني تصليب مسيحايه چکن ايلهاميم



آي اوزون گول کيمي باغلار ياخاسيندان چيخادان

مني بولبول کيمي غوغايه چکن ايلهاميم



کيپريگينده قلم آلميش اله باطيل خطيني

گؤزلرين نرگيس شهلايه چکن ايلهاميم



آي سوتول آلمالاري آدمي يولدان چيخادان

وسوسه وئرمه ده حوّايه چکن ايلهاميم



حوسن و عيصمتده داشان، يوسيف ميصره ياراشان

عشق جرأتده زوليخايه چکن ايلهاميم



آي منيم کؤنلومو بو ورطه ده، سينميش گمي ني

بيرده باشدان دلي دريايه چکن ايلهاميم



نازيلن قول و غزل ساحيري، اوز شاعيريني

گينه ده شعر تمنّايه چکن ايلهاميم



آي پوزولموش کلماتي بو غزل ده تزه دن

اينجي تک ريشته ي معنايه چکن ايلهاميم golgolgolgolgol
golgolgol

[مهناز]

اولدوز سایاراق گوزله میشم هر گئجه یاری

گج گلمه ده دیر یار یئنه اولموش گئجه یاری

گؤزلر آسیلی یوخ نه قارالتی نه ده بیر سس

باتمیش قولاغیم گؤرنه دؤشور مکده دی داری

بیر قوش آییغام! سویلیه رک گاهدان اییلده ر

گاهدان اونودا یئل دئیه لای-لای هوش آپاری

یاتمیش هامی بیر آللاه اویاقدیر داها بیر من

مندن آشاغی کیمسه یوخ اوندان دا یوخاری

قورخوم بودی یار گلمه یه بیردن یاریلا صبح

باغریم یاریلار صبحوم آچیلما سنی تاری!

دان اولدوزی ایسته ر چیخا گؤز یالواری چیخما

او چیخماسادا اولدوزومون یوخدی چیخاری

گلمز تانیرام بختیمی ایندی آغارار صبح

قاش بیله آغاردیقجا داها باش دا آغاری

عشقین کی قراریندا وفا اولمیاجاقمیش

بیلمم کی طبیعت نیه قویموش بو قراری؟

سانکی خوروزون سون بانی خنجردی سوخولدی

سینه مده أورک وارسا کسیب قیردی داماری

ریشخندله قیرجاندی سحر سویله دی: دورما

جان قورخوسی وار عشقین اوتوزدون بو قماری

اولدوم قره گون آیریلالی او ساری تئلدن

بونجا قره گونلردی ایدن رنگیمی ساری

گؤز یاشلاری هر یئردن آخارسا منی توشلار

دریایه باخار بللی دی چایلارین آخاری

از بس منی یاپراق کیمی هیجرانلا سارالدیب

باخسان اوزونه سانکی قیزیل گولدی قیزاری

محراب شفقده ئوزومی سجده ده گؤردوم

قان ایچره غمیم یوخ اوزوم اولسون سنه ساری

عشقی واریدی شهریارین گللی- چیچکلی

افسوس قارا یل اسدی خزان اولدی بهاری